Të gjithë kryebashkiakët e djathtë dhe krerët e degëve të PD-së zhvilluan një takim me kryetarin e PD-së Lulzim Bashën në selinë blu.
Kryetari i Partisë Demokratike, Lulzim Basha ka mbledhur sot sërish në një takim të dytë, kryetarët e degëve të PD dhe kryetarët e bashkive të cilat drejtohen nga PD.
Pas këtij takimi, në një prononcim për mediat, Agron Kapllanaj kreu i Bashkisë Mallakastër është shprehur se zgjedhjet e 30 qershorit ishin një farsë. I pyetur nëse do ta ankimojnë në Kolegjin Zgjedhor, Kapllanaj është shprehur se këtë vendim do ta marrin më vonë.
“Kur të bëhen zgjedhjet më 13 tetor siç ka vendosur Presidenti Ilir Meta, atëherë do t’i shtrëngoj dorën dhe le të vazhdojë punën. Por jam i bindur se do të dalë më shumë humbje, kushdo që do të kandidojë përballë nesh,”- tha Kapllanaj.
