President i ri i Parlamentit Evropian është italiani, David-Maria Sassoli. Pas rrethit të dytë të votimit, europarlamentarët e votuan Sassolin, si president të tyre.
Socialisti 63 vjeçar, një ish-gazetar nga Firence, ka qenë deputet në Parlamentin Evropian, për një dekadë.
Ai fitoi 345 vota në raundin e dytë të votimit, një shumicë absolute e votave të hedhura nga ligjvënësit evropianë në Strasburg.
Sassoli do ta zëvendësojë, Antonio Tajanin, si president i Parlamentit Evropian.
