Humbi penalltinë përballë Kilit, tashmë i kërcenohet jeta. Bëhet fjalë për William Tesillo, i cili në takimin çerekfinal kundër Kilit, u tregua i pasaktë nga pika e bardhë e penalltisë, episod ky që i kushtoi elimininim nga Copa America Kolumbisë, teksa lojtari ka marrë kërcënime.
Është vetë 29-vjeçari që e konfirmon një gjë të tillë i cili është shprehur se e duan të vdekur, madje kërcenime të shumta në adresë të tij kanë ardhur edhe nëpërmjet rrjeteve sociale. Tesillo ka deklaruar se nuk është kërcënuar vetëm ai, por e gjithë familja, bashëkoshrtja fëmijët dhe babai i tij. Madje, edhe ky i fundit është shfaqur i frikësuar nga kjo situatë ku është përfshirë i biri i tij, teksa ka bërë thirrje se njërezit duhet ta kuptojnë se është futboll herë fiton dhe herë humbet.
Historia e William Tesilo të risjell një epsiod të trishtë në të cilin shumë vite më parë është përfshirë një futbollist i Kolumbisë, Andres Escobar, i cili për shkak të një autogoli në Botërorin e vitit 1994 që solli eliminimin e Kolumbisë, humbi jetën pas një atentati në vendlindjen e tij. Pikërisht ky episod e frikëson edhe më shumë Wlliam Tesillon.
