Presidenti Ilir Meta ka qenë i ashpër sot në reagimin e tij, dy ditë pas votimeve të 30 qershorit, që i konsideroi si votimet socialiste.
Duke iu përgjigjur pyetjeve të gazetarëve, Meta tha se kriza mund të thellohet.
“Krizën e ka ai dhe ata që e nxisin atë në këtë rrugë dhe të instalimit faktikisht të një junte, që të asgjesojë çdo parim të shtetit të së drejtës, të asgjesojë çdo institucion, që kërkon ta nxjerrë Shqipërinë nga rruga europiane dhe nga çelja e negociatave dhe t’ia vërë fajin pastaj e ka ky e ka ai”, tha Meta.
Z. President, nëse Kryeministri nuk e pranon propozimin tuaj, si do të zgjidhet kjo krizë?
Meta: Do të thellohet më tej po s’u thellua tani! Si të dojë ai! Krizën e ka ai dhe ata që e nxisin atë në këtë rrugë dhe të instalimit faktikisht të një junte, që të asgjesojë çdo parim të shtetit të së drejtës, të asgjesojë çdo institucion, që kërkon ta nxjerrë Shqipërinë nga rruga europiane dhe nga çelja e negociatave dhe t’ia vërë fajin pastaj e ka ky e ka ai.
Vetëm ky s’ka faj! Të gjithë kanë faj! Vetëm ky s’ka faj!
Në fund fare e dini si mund të përfundojë kjo histori?! Që të nxjerrë një kartelë shëndetësore dhe të thojë: Po ç’faj kisha unë?! Që më besuar gjithë këto gjëra?! Fajin e kishte Fatos Nano që më mori nga Franca, e kishte Ilir Meta që më bëri kryetar bashkie, fajin e kishte populli shqiptar që më votoi. Unë s’kisha faj, unë i papërgjegjëshëm isha!
Unë nuk dua që kjo histori të vejë atje, sepse nuk është mirë për të, nuk ëhstë mirë as për popullin shqiptar që shikon këto shfaqje të shëmtuara.
Të vijë këtu kur të dojë. Të vijë dhe në takim me prindër. Të marrë edhe atë që ka me vete, që s’e lënë të japë zgjdihje për Shqipërinë. Nuk kanë hallin e precedentit, nuk kanë hallin e eksperimentit.
