Presidenti Ilir Meta shpërtheu sot në një seri akuzash ndaj kryeministrit Edi Rama, diplomatëve dhe një pjese të faktorit ndërkombëtar, përfshi edhe George Soros, lidhur me gjendjen ku ndodhet sot Shqipëria.
Por gjatë konferencës Meta përmendi ndër të tjera edhe një grup të strukturuar që e quajti PPPd.
“I kam bërë të qartë zotit Basha, Kryemadhit mikut tim doktorit të mos bien pre e provokimeve të një grupi të strukturuar PPPd që punon sipas parimeve të Deep State që synon kapjen e shtetit dhe kanë gjetur njeriun e duhur për këtë çështje që nuk vjen në takim me presidentin, por lahet në pishinë edhe pse presidenti i ka treguar rrugën e zgjidhjes”, tha Meta.
Më pas presidenti sqaroi edhe kuptimin e këtyre katër germave.
“P e madhe politikanët.
P tjetër është propaganda, mediat e shokëve.
P tjetër është policia, jo ajo e shtetit.
d e vogël janë diplomatët që kanë braktisur parimet kushtetuese”, tha Meta.
