Presdienti Ilir Meta doli në një konferencë për mediat e cila zgjatio rreth 75 minuta ku dha një propozim për zgjidhjen e krizës. Meta caktoi se në 13 tetor do të zhvillohen zgjedhjet vendore, të përgjihshme dhe për president. Meta bëri disa deklarata të forta ku një prej tyre ishte për miliarderin Xhorxh Soros apo edhe se ishte i gatshëm për të bërë testin mendor dhe atë të drogës.
Lexoni ato më kryesoret:
“Le të marrë europianët dhe amerikanët që nuk e lenë të gjejë një zgjidhje dhe jam gati t’i pres. Nëse ata nuk vijnë dot këtu, atëherë shkoj unë atje ku janë ata. Unë kam bërë përpjekje maksimale për të zgjidhur krizën. Zgjedhje në 13 Tetor, lokale, të përgjithshme dhe për presidentin. Edi Rama të më vërë kandidat kë të dëshirojë. Kjo është rruga që të zgjidhë këtë krizë të rrezikshme.”
“Kam dy fjalë për miliarderin Soros, ju uroj jetë të gjatë, suksese dhe të birit që vjen shpesh në Shqipëri, t’i gëzojë miliardat, por Ilir Meta nuk është i racës së Gruevskit. është presidenti i vendit dhe i del për zot vendit. Jam i racës së Avni Rustemit, Mic Sokolit, Vojo Kushit.”
“Jam gati të bëj testin e shëndetit mendor, sikundër duhet të vendoset në Kushtetutë që çdo drejtues i shtetit duhet të bëjë testin e shëndetit mendor, por edhe atë të drogës”
“Rama i ka kapur të gjithë, po të tjerët çduhet të bëjnë, apo ti bien dajres, Edi Rama ka marrë gjithçka, përveç kreut të FSHF dhe një deputeti që është në Parlament, Lefter Maliqin. Drejtësinë e kapi përmes Ramaformës”
“Qeveria sot është PPP, është gjykatë e lartë, është gjithçka, të gjitha reformat janë kthyer në Ramaform.”
“Ulsi Manja, ai i Dibrës do më pjekë mua në furrë. Le të shkojmë në zgjedhje, të më djegë atje”
“Demokracia e panegociueshme, e dyta integrimi i Shqipërisë në BE”
“O Meti, nuk më nxjerr dot mua nipi i Spiro Kolekës, antiamerikan.” -duke iu drejtuar gazetarit Muhamed Veliu.
“Nuk është Rama ik por Rama reflekto, sot është Edi thellohu se ky është atdheu i të gjithë shqiptarëve. Nëse ti s’je i zoti të mbash këtë vend, unë dhe të gjithë shqiptarët do e mbrojmë Shqipërinë nga të gjithë ata miliarderë me strukturat e tyre të Deep State.”
“Marrëdhëniet me SHBA I kam të kristalta e të sinqeta jashtë cdo hije dyshimi. Kam qenë I qartë dhe I drejtë dhe s’kma pasur asnjë shqetësim prej tyre.”
“Nëse do vazhdojnë të më thonë se jam burri i Monikës, do më detyrojnë ti thërras ‘gruaja e Bilalit”
“E di që Sokol Balla ka merak që nëna e fëmijëve të mij është në opozitë. Por nëna e fëmijëve të tij punon në qeveri”
“U tallën në 2008 njëherë që i mbanin ison doktorit dhe Edit. Njëri nga ata ambasadorët është ende këtu dhe diskuton për Idajetin dhe hallet e atyre të Unazës. Duhet të jemi komb seriozë. Unë e zgjidha atëherë krizën. Ambasadat po nxisin sherr në Shqipëri. Unë këtu i kam letrat dhe komunikimin me ndërkombëtarët, dhe me evropianët dhe ta shohim pse u kthye reforma në Ramaformë. ” /boldnews.al
