Sekretari i përgjithshëm i LSI-së, Endrit Braimllari, përmes një postimi në rrjet ka hedhur një akuzë të fortë në drejtim të Spartak Ngjelës.
Braimllari pyet se çfarë lidhje ka Spartak Ngjela me vrajsen e Dritan Avdylajt në 4 rrugët e Shijakut në 1996.
“Para se avokati i FBI Spartak Ngjela të flasë për të ardhmen e Shqiperisë Sorosiane duhet të sqarojë njëherë e mire se çlidhje ka ai me vrasjen e Dritan Avdylajt të 4 rrugët e Shijakut në 1996 dhe se çfarë e lidh me Tofik Hykën, në të kundërt do sqarohet njëherë e mire ai dhe protektorët e tij’, shkruan Endrit Braimllari.
Në vitin 1996 u vra me armë zjarri Dritan Avdylaj. Mediat raportonin se ai i kishte vendosur një gjobë biznesmenit Tefik Hyka, pronari i fabrikës së tullave në Vlorë.
Dritan Avdyli u telefonua nga një bashkëpunëtor shijakas i Tefik Hykës për të shkuar në zonën e “Katër Rrugëve të Shijakut” për të marrë paratë që i kishte kërkuar Tefikut, por në momentin që bashkë me shokun arrin në lokal goditet me një breshëri plumbash nga një vrasës me pagesë i ardhur nga Tirana, Durim Kusi.
