Kryeministri Edi Rama iu rikthyer edhe njëherë paralajmërimeve për dënime me burg ndaj atyre që zënë rrugën apo që guxojnë të prekin me dorë punonjësin e policisë.
“Kush prek me dorë policing, duhet të shkojë në burg, jo më të dënohet me gjobë.
Kush bllokon rrugën, po kështu duhet të shkojë në burg sepse është e papranueshme bllokimi me trupa njerëzorë”, tha Rama, gjatë një takimi me punonjës të policisë.
Gjithashtu ai kërkoi që policët duhet të sillen me edukatë dhe me etikë me çdo qytetar.
“Kush nuk di të sillet me edukatë dhe me etikë duhet të largohet nga rradhët e policisë si i padenjë.
Pagat e policëve të forcave speciale duhet të rriten dhe po kështu edhe mbështetja logjistike për to.
Automjetet e vjedhura apo të pasiguruara duhet të pamundësohen për të qarkulluar, ndërsa policët kur vendosin masat administrative duhet të sillen me edukatë dhe etikë”, tha Rama.