Autoriteti Kombëtar i Ushqimit ka ushtruar kontrolle zyrtarë në disa subjekte në Fier, Korçë dhe Pogradec për garantimin e sigurisë ushqimore gjatë këtij sezoni turistik.
Në subjektet e kontrolluar, AKU tha se në subjektin me aktivitet “Market Ushqimor”, Ndërmenas (Fier), u konstatua një sasi e konsiderueshme produktesh të skaduara (karamele, makarona, salcë domateje, pije energjike, llokume, oriz etj). Sipas njoftimit, për shkeljen AKU mori masat “Gjobë” me vlerën totale 300,000 lekë për hedhjen në treg të produkteve me afat të kaluar përdorimi dhe “Bllokimi i produkteve” të pasigurta për konsum human, me qëllim asgjësimin e tyre.
Gjithashtu, nga kontrolli i ushtruar në një subjekt me aktivitet “Market Ushqimor”, Fier Seman, u konstatua një sasi e konsiderueshme produktesh të skaduara (biskota, mish i grirë, gjalp, sallam, kërnacka, vaj ulliri etj). Masat për shkeljen në fjalë ishin “Gjobë” me vlerën totale 300,000 lekë për hedhjen në treg të produkteve me afat të kaluar përdorimi dhe “Bllokimi i produkteve” të pasigurta për konsum human, me qëllim asgjësimin e tyre.
AKU ushtroi kontroll në një subjekt tjetër me aktivitet “Njësi tregtimi” në qytetin e Pogradecit, në të cilin u konstatua se subjekti ushtronte aktivitetin në kushte të papërshtatshme higjeno-sanitare Sipas njoftimit për këtë subjekt u mor masa “Gjobë” me vlerën totale 300,000 lekë për mungesë të kushteve higjeno-sanitare.
Së fundmi, AKU ushtroi kontroll në një subjekt me aktivitet “Bar-Restorant-Hotel”, në Voskopojë, në të cilin u konstatua se subjekti ushtronte veprimtarinë në kushte të papërshtatshme higjeno-sanitare. Për këtë shkelje AKU mori masën “Gjobë” me vlerën totale 300,000 lekë për mungesë të kushteve higjeno-sanitare./SCAN Tv
