Një raketë ka “humbur” rrugën dhe ka rënë në veri të kryeqytetit të Qipros.
Shpërthimi që ndodhi në rajonin e Tashkentit, një pjesë turke e Qipros, rreth 20 km nga Nikosia, nuk shkaktoi viktima apo lëndime ndërsa autoritetet evakuuan shtëpitë përreth.
Edhe pse shkaqet e rrëzimit të raketës ende nuk janë të qarta, ka dyshime se lidhen me operacionet ushtarake në Lindjen e Mesme. Nga studimi i mbetjeve, një analist ushtarak deklaroi se bëhet fjalë për një raketë S-200, prodhim rus.
Kjo lloj arme ndodhet gjithashtu në Siri, jo shumë larg Qipros. Raketa mund të jetë devijuar nga mbrojtja izraelite dhe më pas u rrëzua në territorin turk qipriot.
Kujtojmë se pjesa veriore e Qipros është e banuar nga turq qipriot ndërsa pjesa jug perëndimore, është e banuar nga grekë. Situata në Qipro është gjithnjë e tensionuar pasi bota perëndimore nuk e njeh anën turke të Qipros. Pjesa turke njihet vetëm nga Turqia.
