Nënkryetari i PD së Dibrës, Korab Muça është arrestuar nga policia pasi ishte shpallur në kërkim për incidentin me KZAZ 19 në Peshkopi, para zgjedhjeve.
Muça akuzohet për veprat penale ‘’Shkatërrimi i pronës me zjarr’’, ’’Kundërshtimi me dhune i punonjësve të policisë rendit publik’’ dhe ‘’Dëmtimi me dashje i materialit zgjedhor”.
Sipas njoftimit të policisë në datën 28 qershor, rreth orës 21.00, disa persona në bashkëpunim me njëri-tjetrin dhe me persona të tjerë, u grumbulluan pranë KZAZ Nr. 19, në ambientet e palestrës së shkollës “Nazmi Rushiti” në qytetin e Peshkopisë.
Policia tha se protestuesit përdorën sende të forta, kapsolla dhe bomba molotov në drejtim të KZAZ-s, si dhe në drejtim të punonjësve të Policisë që ishin të vendosur me shërbim.
Lidhur me incidnetin, PD ka deklaruar më herët se ishte një provokim i kryeministrit Edi Rama.
