Ish-presidenti i Malit të Zi, Momir Bullatoviq, ka vdekur këtë të dielë në moshën 63-vjeçare.
Bullatoviq ishte president i Malit të Zi nga viti 1990 deri në vitin 1998 dhe kryeministër i Qeverisë Federale nën Republikën Federale të ish-Jugosllavisë nga viti 1998 deri në vitin 2000.
Në vitin 1989, Bullatoviq ishte zgjedhur president i partisë socialiste të Malit të Zi, dhe kishte fituar zgjedhjet e para shumë-partiake në vitin 1990.
Ai pas dy mandateve si president, kishte humbur zgjedhjet për një mandat të tretë nga Millo Gjukanovic i cili tani është kryeministër i Malit të Zi.
Ishte kryeministër i Jugosllavisë nga viti 1998 deri në vitin 2000 nën presidencën e Sllobodan Miloseviqit.
Bullatoviq vdiq nga një sulm në zemër.
