RENEA arrestoi mbrëmjen e së shtunës në qytetin e Peshkopisë një biznesmen. Operacioni është zhvilluar në orët e vona të mbrëmjes, ndërsa i arrestuari është Bilbil Gjura.
Arrestimi i biznesmenit ka ndodhur në ambjentit e lokalit të tij.
Policia tha se operacioni ishte kompleks. Dyshohej se Gjura ishte i përfshirë edhe në përplasjen me forcat speciale në orët e para të mëngjesit në Dibër.
Gjatë arrestimit të biznesmenit forcat e RENEA-s patën edhe një incident me gazetarin, Enver Doçi. Në momentin e arrestimit të biznesmenit, gazetari po filmonte me telefon dhe për shkak të mosidentifikimit në kohë, një efektiv ia ka thyer telefonin dhe e ka qëlluar.
