Kryeministri Edi Rama, është shfaqur i pezmatuar në konferencën për mediat, edhe pse kandidatë t e tij nuk kishin asnjë kundërshtar në votimet e sotme moniste, por morën një goditje të rëndë nga qytetarët duke u bojkotuar në masë.
Rama në fjalën e tij në tentativë për të krijuar një entuziazës fals para militantëve të grumbulluar në seli, nuk la pa sulmuar kundërshtarët e tij politikë, edhe pse ata nuk i patën kundër në këto zgjedhje, madje nuk krijuan as trazira dhe as përplasje civile siç e kishte paralajmëruar Rilindja.
Ndërkohë Rama ka shpallur ditën e sotme fitore të shqiptarëve, ndërsa ka dërguar dhe një mesazh për kreun e opozitës Lulzim Basha.
‘Sot ishte 30 qershori i një Shqipërie që për shumë muaj përjetoi dramën e një përçarjeje të rëndë politike, të frymëzuar nxitur dhe organizuar, për të ndaluar ecjen tonë përpara në rrugën e normalitetit tonë shoqëror. Sot ishte dita e zgjedhjeve vendore të radhës e cila u kthye në muaj pas muaj të një përplasjeje historike mes të shkuarës dhe të ardhmes, mes harbutërisë dhe qytetarisë, mes pandëshkueshmërisë dhe drejtësisë, mes politikës dhe forcës dhe forcës së politikës, mes Shqipërisë së vejteër të padrejtësisë dhe shqipërisë së drejtë. Sot fitoi e ardhmja, fitoi shteti, fitoi forca e politikës, fitoi qytetaria, fitoi shpresa. Fitoi me të drejtë dhe dinjitet Shqipëria Europiane. Ishte një fitore e vështirë, ku unë vetë nuk e mbaj mend një më të vështirë, sepse luftoi vetë sistemimi i brishtë demokratik, me kundërshtarët e ndërkryer të vetë zgjedhjeve. Sot 30 qershori që dukej sikur nuk do vinte kurrë po ikën paqësisht për shqiptarët duke marrë me vete hijen kërcënuese të ankthit kombëtar. Faleminderit miqve dhe partnerëve të palëkundur të Shqipërisë demokratike. Sot ne nuk fituam një betejë për zgjedhjet në disa bashki, por fituam zgjedhjet e të gjitha radhëve. Sot fitoi Shqipëri përgjithmonë zgjedhjet kundër molotovëve dhe djegies së mandateve’, deklaroi Rama.
