Nga Boldnews.al
“Për më tepër shpresë, më tepër të ardhme, më tepër begati, më tepër drejtësi, më tepër paqe, më tepër mirëkuptim, më tepër Liri, për këto votova unë, për këto punojmë e luftojmë ne”. Gjejeni kush e ka thënë sot këtë frazë brilante, që të lë me gisht në gojë, mundësisht gishtin e madh të dorës së majtë, që ta ngjyejnë më bojë të zezë kur voton.
E ka thënë Elisa Spiropali, në një postim në facebook, teksa e shoqëron me një foto të përpunuar në fotoshop, që të dalë sa më e bukur. Në fakt ajo është e tillë, jo vetëm si paraqitje, sepse mbetet “një mendje e bukur” e Rilindjes…
Ajo është ministrja më e përulur ndaj kryeministrit Edi Rama. Ajo vetëm atë njeh për Mesi, nuk ka Zot tjetër përveç Edit të saj. E ka konsideruar si “Skëderbe”, e ka cilësuar politikanin më të mirë që ka pjellë ndonjëherë Shqipëria. Për të Edi është jetë, pasuri, pushtet.
Kjo vajzë që erdhi si pjellë e organizatës Mjaft të drejtuar nga Erion Veliaj, sot ka votuar sipas saj për begati, liri dhe drejtësi. Në ato kuti votimi zgjedhje nuk ka, por Elisa është e lumtuar, duke rikthyer kohën kur forca politike që militon sot, quhej Partia e Punës e Shqipërisë.
Kjo është dita e tyre. Ata jo vetëm kanë çdo pushtet të mundshëm, por po luajnë me jetët e shqiptarëve. Ia arritën qëllimit që t’i kthejnë si kope delesh, thjesht duke na numëruar, por vota jonë, e atyre që shkojnë para kutive të votimit dhe e të tjerëve që i kanë braktisur, nuk ka asnjë vlerë. Dhe Elisa ka meritë në këtë sistem të krijuar. Është “njeriu i ri” i Rilindjes, që shumë vajza që njohin ngjyrën mavi si subjekt politik, duan ti ngjajnë në të ardhmen.
Ministrja “me portofol” të fryrë, mendohet që nga koha kur drejtonte doganat, është kthyer në imazhin që sot ka Rilindja. Ajo flet për drejtësi, për demokraci, për mirëqenien që ka përjetuar vendi, për institucionet shtetërore që “shërbejnë” qytetarëve.
Këtë ka propaganduar kjo ministre që edhe Gëbelsi në kohën e nazizmit do e kishte zili të kishte një të singjashme me “ministren e propagandës” sonë. Ja arrite Elisë, nuk dihet sa do zgjasë, por nëse një ditë Rama do bjerë, ndoshta në një kohë jo të largët, ti e para do të pezmatohesh më shumë se vetë ai. Do rrënohesh, bukurinë e tanishme nuk do e kesh më, mendja jote do njohë një dilemë të tmerrshme: “Si është e mundur që Shqiptarët rrëzuan Ramën”?
Për këtë pikëpyetje të madhe prit edhe pak, por përgatitu. Sot nuk u votua liria, begatia dhe drejtësia, por izolimi, varfëria dhe e kleptokracia!
