Në Korçë janë riaktivizuar tërmetet, duke shkaktuar panic te qytetarët. Në një hark kohor prej 6 orësh, në Korçë janë regjistruar tre tërmete me magnitudë 3.7, 2 dhe 2.8.
Nuk raportohet që lëkundjet të kenë shkaktuar dëmtime, por kanë shkaktuar frikë te qytetarët, veçanërisht ato që banojnë në katet e larta të pallateve apo në banesa të amortizuara.
Tërmetet e fundit kanë pasur një magnitudë më të vogël se ato që goditën këtë rajon në fillim të muajit qershor, ku dhjetra banesa, kryesisht në Floq u dëmtuan, ndërsa qytetarët flinin në çadra.
