Një tjetër incident në Shkodër. Persona të paidentifikuar kanë thyer derën e pallatit të Sportit në Shkodër, ku ishte parashikuar të vendosej KZAZ nr.2 dhe kanë marrë materialet zgjedhore.
Sipas të dhënave të para autorët janë larguar me tre makina. Ata janë përplasur me policinë bashkiake dhe policinë e Shtetit.
Nga dëshmitë e efektivëve të policisë, mësohet se personat në fjalë kanë shtyrë policët dhe kanë shpërthyer derën me mjete të forta.
Pasi kanë marrë materialet zgjedhore janë larguar me shpejtësi.
Ditën e djeshme, u dogjën materialet zgjedhore në KZAZ në Bushat.
