Materialet zgjedhore janë dërguar në Bashkinë e Lezhës, përkatësisht në KZAZ-të 12 dhe 13, ndërsa ato janë transportuar me makinat e ushtrisë dhe nën mbikqyrjen e trupave speciale të policisë, FNSH dhe RENEA.
Masat e larta të sigurisë për shpërndarjen e materialeve zgjedhore po aplikohen vetëm në bashkitë që drejtohen nga përfaqësues të opozitës, për faktin se kryebashkiakët kanë kërkuar lirimin e ambienteve ku janë vendosur KZAZ-të.
Kryeministri Edi Rama po shkon i vetëm drejt 30 qershorit, një datë kur President ii republikës anulloi procesin për zgjedhjet vendore për shkak të krizës së thellë politike dhe informacioneve për përplasje të mundshme civile.
Opozita ndërkohë ka drejtuar apele të forta, ndërsa kreu demokrat Lulzim Basha ka kërkuar refuzimin nga qytetarët të votimeve.
Një ditë më parë KiE njoftoi tërheqjen e vëzhguesve të saj, vendim ky që është konsideruar nga opozita si shuplaka e parë ndërkombëtare ndaj Edi Ramës.
