Agjenda ime nuk ka qenë ajo bolshevike, i gjithë pushteti i sovjetëve, dhe as ka qenë “Rama ik” ajo e Lulit, Monës dhe doktorit. Agjenda ime në raport me Kryeministrin ishte ajo reflekto.
Kështu u shpreh Presidenti Ilir Meta, ndërsa i ka drejtuar një apel Edi Ramës që të bëjë dallimin mes të qenit kryetar i PS-së dhe të qenit kryeministër i të gjithë shqiptarëve.
“Rama është kryeministër edhe i atyre që protestojnë, pasi janë edhe ata taksapagues të kësaj republike, të këtij shteti dhe kësaj qeverie që drejtohet nga Edi Rama.
Nëse ai bën këtë dallim do të jetë shumë mirë dhe do të kemi një të ardhme pozitive dhe shpresëdhënëse”, tha Meta.
Në raport me ndërkombëtarët, Presidenti tha se vëzhguesit ndërkombëtarë if ton qeveria dhe jo Presidenca.
“Jam takuar me çdo ndërkombëtar dhe vëzhgues që ka kërkuar takim. Jam takuar edhe me drejtuesen e vëzhguesve të ODIHR, ambasadoren Glover, dhe u kam shpjeguar pozicionin tim përsa i takon 30 qershorit.
Nuk ndaloj askënd, që të vëzhgojë proces votimesh, thjesht u kam bërë të qartë pozicionin ligjor në raport me zgjedhjet e ardhshme vendore, që tashmë do të jenë në 13 tetor.
Si mund t’i them dikujt unë mos rri ti ose mos ik ti, kur ne jemi mikrpitës”, tha Meta.