Pas djegies së një KZAZ-je në Bushat dhe reagimit të ministrit të Bredshëm, Sandër Lleshaj, është kundërpërgjigjur Partia Demokratike. Përmes një deklarate zyrtare, PD shpjegon se asnjë militant i saj nuk ka djegur KZAZ-të në Bushat.
PD u bënë thirrje mbështetësve të mos bien pre e skenarit të dhunës të fabrikuar nga PS.
Deklarata e plotë
Asnjë militant i Partisë Demokratike nuk ka djegur asnjë KZAZ në Bushat.
Dënojmë me forcë deklaratën kriminale dhe shpifjen e Ministrit të Brendshëm, si pjesë e një skenari të parapërgatitur nga Qeveria, për të inkriminuar opozitën.
U bëjmë thirrje mbështetësve tanë të mos bien pre të këtij skenari dhune.
Partia Demokratike është në dijeni të planit kriminal që është hartuar me gjakftohtësi nga Edi Rama, dhe që ka disa ditë që po tentohet të vihet në jetë. E siguroj në emër të Partisë Demokratike se do të dështojë, pavarësisht retorikës konfliktuale të vazhdueshme apo përhapjes së panikut tek qytetarët dhe bizneset private.
