Kreu demokrat, Lulzim Basha, zhvilloi mëngjesin e sotëm një takim me Presidentin Ilir Meta. Takimi në Presidencë ka zgjatur rreth 20 minuta, ndërsa njoftohet se kreu demokrat pritet të zhvillojë dy takime me aleatët e tij.
Fillimisht, Basha do të takohet me Shpëtim Idrizin, kryetar i PDIU-së, ndërsa më pas do të takohet me Monika Kryemadhin, kryetare e LSI-së.
Ndoshta kreu demokrat dhe aleatët e tij do të përcaktojnë strategjinë që do të ndjekin para dhe pas 30 qershorit, datë në të cilën Edi Rama po organizon votimet për kryebashkiakë.