Të paktën 7 policë bashkiakë të Lali Erit janë angazhuar në një superaksion duke tentuar të ndalojnë dy persona, të komunitetit rom, që kishin mbledhur në një thes disa mbetje nga koshat e plehrave.
Video e publikuar nga Nisma Thurje tregon momentet kur policët i turren dy personave që tërhiqnin një thes.
“Arrestohen dhe proçedohen më në fund pronarët e konçesionit abuziv të incineratorëve të cilët me anën e një kontrate korruptive po përfitojnë pa dhënë asnjë shërbim dhjetëra miliona euro çdo vit nga lekët tona.
Prokuroria gjithashtu ka hapur proçes penal ndaj €rion Veliant dhe Arben Ahmetajt me akuzën e korrupsionit, shpërdorimit të detyrës dhe abuzimit me pushtetin’, shkruan Nisma Thurje në një postim në rrjet, duke ironizuar këtë superaksion të policëve të Lali Erit.
