Endri Fuga, drejtor i komunikimit në Kryeministri, dhe një nga njerëzit më të besuar të Edi Ramës, kryeministër dhe kryetar i PS-së, nuk e ka ruajtur dot deri në fund pozicionin si zyrtari që qëndron gjithmonë në hije dhe kurrë nuk shfaqet publikisht.
Dhe për këtë shfaqje publike të Fugës përmes rrjeteve sociale duket se ka meritë situate politike që lidhet direkt me 30 qershorin.
Sinjali i parë që Rama nuk ndjehet komod dhe i qetë, të paktën sikundër shfaqet në publik lidhur me votimet njëpartiake që do tentojë të kryejë, është pikërisht angazhimi i Fugës përmes rrjeteve sociale, duke bërë thirrje për 30 qershorin.
Në një postim në Instagram, Fuga u ka bërë thirrje të gjithëve që të shkojnë në votime në 30 qershor.
“Instagramin jam perpjekur ta mbaj sa me privat, por votimi te Dielen eshte eshte dicka qe prek secilin prej nesh, familjet tona. Sepse Shqiperia nuk mund te ece perpara me mallkime, por me pune. Prandaj te Dielen, #unevotoj ✌🏻”, shkruan Endi Fuga.
Siç duket të gjithë “fishekët” dhe profilet false të përdorura në rrjete për t’i dhënë mbështetje dhe kurajo Ramës për të shkuar i vetëm drejt 30 qershorit nuk kanë dhënë efektin e duhur.