Nga Boldnews.al
Ata vijnë me mision në Shqipëri zakonisht një herë në dy vjet, për zgjedhjet lokale dhe ato të përgjithshme. Gjithnjë mbërrijnë me prepotencën e zyrtarit të huaj, që në fund i japin rëndësinë vetes të certifikojnë zgjedhje plot probleme, pa i vënë rëndësi faktit se vota është e shenjtë në një sistem demokratik.
Prej tre ditësh në Tiranë bredh zyrave të shtetit dhe lokaleve të kryeqytetit, drejtuesja e misionit të vëzhguesve të OSBE/ODIHR, Audry Glover. Dy ditë më parë ajo pati një takim me kryeministrin Edi Rama, ky i fundit e priti ndërsa ishte veshur me tuta të ngushta si streçet e grave mbi 50 vjeç që kërkojnë të rikthejnë rininë, më pas Glover u prit nga kreu i grupit parlamentar socialist Taulant Balla dhe sot po kryen vizitë në zyrat e Partisë Demokratike.
Takim i rëndësishëm për të me kreun e Partisë Demokratike Lulzim Basha. Kryeopozitari ende vijon të tregojë një “kortezi” mbase të tepruar ndaj të ashtëquajtur faktor ndërkombëtar. Pret e përcjell ambasadorë të huaj, që para se të takojnë drejtuesit e opozitës, konsultohen një herë me kryeministrin tonë, me batuta mesazhesh dhe “zemra dashurie”.
Për çfarë do flasi? Për zgjedhje? Katër ditë kanë mbetur nga histerizmi Rilindas për të rrëmbyer 61 bashkitë e vendit në një proces votimesh me një kandidat dhe jo me alternativë zgjedhjesh.
Do flasin ndërkombëtarët për “vëzhgues në zgjedhje”, çfarë do të vëzhgojë kjo organizatë ndërkombëtare kur vulën, firmën dhe votën e kanë në duar komisionerë socialistë të vetëm në disa qendra votimesh dhe në fund do të “festojnë” fitoren pa kundërshtarë.
Kryedomekrati Basha para se të vijojë me kortezinë në pritjen dhe përcjelljen e ndërkombëtarëve, është përfaqësues i atij populli që sot është i zhgënjyer deri në palcë nga keqqeverisja. Është përfaqësues i atyre qytetarëve të tramatizuar nga arroganca pushtetit dhe fort i përhumbur deri në klithje dëshpërimi nga 32 audipërgjimet e publikuara në gazetën Bild, ku që nga kryeministri, ish-ministra, deputetë, zyrtarë lokal dhe drejtues policie, marrin pjesë në manipulimin dhe shitblerjen e votave, të ndihmuar nga krerë të grupeve të fuqishme kriminale në vend.
Ata qytetarë të zhgënjyer, e kanë ndarë mendjen prej kohësh që më 30 qershor të dnadhen në dy grupime; ata që me heshtje do refuzojnë të behen pjesë e një farse të madhe duke mos marrë pjesë në vitime dhe pjesa tjetër më e ashpër e cila do sfidojë edhe kërcënimet e vazhdueshme me burgim, duke tentuar të pengojnë të zhvillohen votime. Këta janë zërat që duhen dëgjuar nga kryeopozitari, përuljen dhe kortezinë duhet ta ketë pikërisht me qytetarët e vendit, ku ka privilegjin ti prijë në një tentativë për të shpëtuar nga sistemi monopartiak. Pjesa tjetër e përuljes ndaj ndërkombëtarëve, sot është mesë e tepërt!
