Kryetari i PD-së Lulzim Basha do të presë sot në një takim drejtuesen e Misionit të Vëzhguesve të OSBE/ODIHR Audry Glover. Takimi është planifikuar të nisë në orën 11:00.
Kryedemokrati foli për takimin në emisionin “Temrpoa” mbrëmjen e djeshme. “ODHIR ka kërkuar takim, ka dalë me një raport të ndërmjetëm që thotë s’ka zgjedhje me një kandidat”, tha Basha.
Çfarë ndodh më 1 Korrik? Lulzim Basha bën deklaratën e fortë
Kujtojmë se dy ditë më parë, Glover zhvilloi një takim rreth një orë me kryeministrin Edi Rama dhe Sekretarin e Përgjithshëm të PS, Taulant Balla, në selinë e PS. Po kështu, shefja e misionit të OSBE/ODIHR pati një takim edhe me kreun e KQZ Klement Zguri, ndërsa më pas pati edhe një konferencë për mediat. Glover, tha se misioni i OSBE-ODHIR do të bëjë atë që ka bërë gjithmonë, një vëzhgim teknik të procesit, ndërsa theksoi se nuk i ka ndodhur asnjëherë të vëzhgojë zgjedhje ku opozita nuk ka marrë pjesë.
