Gjykata e Krimeve të Rënda do të zhvillojë seancën paraprake për ish drejtorin e Përgjithshëm të Burgjeve, Arben Çukon dhe 5 të pandehurit e tjerë lidhje me akuzat për korrupsion në datën 1 korrik.
Seanca gjyqësore do mbahet në orën 09:00.
Gjyqtare e seancës paraprake është caktuar Iliarjana Olldashi.
Disa ditë më parë, Prokuroria e Krimeve të Rënda dorëzoi dosjen në Gjykatë për ish kreun e Burgjeve, duke kërkuar që të merret i pandehur pasi nga përgjimet dhe hetimet ka rezultuar se nëpërmjet dhënies së shumave monetare, ka realizuar transferimin e të dënuarit Olsi Karagjozi nga vendi i vuajtjes së dënimit në IEVP Burrel, në një vend tjetër vuajtje dënimi, sipas preferencës së vetë të dënuarit, në IEVP Fier.
Në këtë aferë korruptive dyshohet se janë përfshirë 6 persona, ndër ta edhe shoferi i Çukos.
Transferimi i Olsi Karagjozi kundrejt ryshfetit/ Shkon për gjykim dosja ndaj Arben Çukos
