Kreu demokrat Lulzim Basha pritet të dalë në një konferencë për mediat në orën 14:00 në selinë e kësaj partie.
Ende nuk dihet objekti i deklaratës së kreut demokrat, por mendohet se strategjia që do të ndjekë opozita në ditët në vijim pritet të jetë në qendër të vëmendjes.
Gjatë paradites, Basha zhvilloi një takim me drejtuesen e vëzhguesve të ODIHR-it, ambasadoren Glover, ndërsa Këshilli i Europës njoftoi se nuk do të sjellë në Shqipëri vëzhguesit e tij për votimet e 30 qershorit.
Ndoshta në qendër të vëmendjes së kreut demokrat mund të jetë pikërisht tërheqja e vëzhguesve të KiE nga procesi i 30 qershorit, në të cilin po shkon i vetëm Edi Rama, ndërsa Presidenti Ilir Meta me një dekret të posaçëm ka anuluar zgjedhjet.
