Ish-ministrja Mimi Kodheli ka treguar se blerja e votës është një punë shumë e keqe. E ftuar në “Provokacija”, ish-ministrja e Mbrojtjes tregoi ‘padashje’ se blerjen e votës nuk e kanë filluar socialistët dhe se kjo gjë në përgjithësi është punë burrash.
“Blerja e votës është një punë e keqe. Nuk e kanë filluar socialistët këtë gjë. Kjo punë daton shumë herët. Partia Socialiste është një parti e madhe dhe nuk ka pasur nevojë në përgjithësi që të blejë vota.
Pastaj kjo është punë burrash, gratë janë më imune ndaj këtyre gjërave. Përgjimet thjesht i shtynë njerëzit që të kuptonin më mirë. Nuk jam këtu për të komentuar as mënyrën se si meshkujt flasin mes njëri-tjetrit,”– tha Kodheli.
