Presidenti Ilir Meta ka dalë në një konferencë për mediat mëngjesin e sotëm duke komentuar jo vetëm vendimin e dhënë dje nga Kolegji Zgjedhor, por edhe situatën politike në vend, ndërsa e cilësoi procesin zgjedhor më 30 qershori të paligjshëm dhe imagjinar.
Deklarimet pikante
Procesi zgjedhor në 30 qershor i paligjshëm dhe imagjinar. Institucioni i vetëm që cakton datën e zgjedhjeve në Shqipëri është ai i Presidentit të Republikës.
Zgjedhjet në 30 qershor janë partiake dhe Presidenti nuk ndërhyn në një proces brenda partive politike.
Sa të jem unë President i Republikës, Shqipëria nuk kthehet në koloni të fondacioneve.
Mazhoranca të tërhiqet nga një process i paligjshëm, në të kundërt do të mbajë të gjithë përgjegjësinë për paligjshmërinë e krijuar.
Vendimi i Kolegjit Zgjedhor nuk prek dekretin e Presidentit. Kolegji nuk ka të drejtë të shqyrtojë kushtetueshmërinë e dekretit. Ajo ishte një seancë mes palëve të interesuara, një subjekti politik në aleancë me PS-në dhe KQZ. Interpretimi i vendimit një akt propogandistik për të krijuar idenë se zgjedhjet në 30 qershor janë të ligjshme.
Vendimi i marrë nga Kolegji Zgjedho ishte nën presion. Anëtarët e Kolegjit janë shantazhuar, mjafton të shikoni fotot e anëtarëve të Kolegjit. Ishin të trembur.
Unë nuk hyj te ata politikanë që flasin në emër të ambasadave dhe ndërkombëtareve dhe fshihen në emër të tyre. Presidenti është i duruar që të gjithë të reflektojnë e kuptojnë që pluralizmi ka tre dekada që ka ardhur, të kuptojnë edhe një gjë që nuk ua thonë dot ambasadorët se ndoshta nuk i lënë tua thonë, ua them unë, ua kam thënë edhe atyre edhe palëve, pa zgjedhje, jo vetëm gjithëpërfshirëse, por edhe me standardet më të mira, nuk ka e nuk do të ketë çelje të negociatave. Më besoni mua, unë jam esëll gjithë ditës, jo më tani në mëngjes.
Unë kam anuluar zgjedhjet në vend për shkak të krizës së rëndë politike që e keni vënë re, me qëllim normalizimin e situatës në vend. Mos prisni nga asnjë ambasador tu thotë këtë që po u them unë, edhe sikur të bëheshin zgjedhjet që nuk ekzistojnë pa opozitën, edhe sikur populli opozitarë të shkonte të duartrokiste ata që votonin, celja e negociatave do të ishte në një të ardhme të paditur. Këtë e kam sqaruar se zgjedhje të tilla nuk plotësojnë asnjë standard minimal të kritereve të Kopenhagenit por do të na dënonte nga gjykata e të drejtave të njeriut si ka ndodhur në shumë vende të tjera. Nuk kam anuluar zgjedhjet në asnjë vend tjetër, ambasadë apo fondacion. Kam krijuar këtë mundësi, por zgjedhje në 30 qershor ligjërisht nuk ka dhe nuk do të ketë.
KQZ? Jo rastësisht përdora termin organizatë sociale, Presidenti nuk mund të hyjë në debat me një organizatë socialiste apo demokrate. Vetëm Presidenti vendos për datën e zgjedhjeve në Shqipëri, asnjë institucion tjetër. Presidenti është dhe mbetet i duruar.
Ky institucion nuk i përket Metës, por Republikës, dhe ku institucion nuk do të bjerë kurrë, përkundrazi nga ky do të fillojë ringritja e Republikës, dhe nuk do të bëhet vendi koloni e asnjë fondacioni ndërkombëtar, është vend që i takon gjithë shqiptarëve, ndaj këtu do të kemi deri në 24 korrik të vitit 2022
