Pjesë e protestës së sotme të paralajmëruar të Partisë Demokratike me rastin e mitingut të PS-së në Kukës, ka qenë edhe gruaja e Havzi Nelës, poetit dhe arsimtarit të ekzekutuar gjatë kohës së diktaturës.
Zonja Nela së bashku me një foto të bashkëshortit të saj Havzi Nelës i është bashkuar protestës së sotme të Partisë Demokratike kundër kryeministrit.
“Jam në protestë për martirin, dëshmorin dhe heroin trimave siç është bashkëshorti im Havzi Nela. Zoti ja fali jetën dhe ia mori babai i Edi Ramës bashkë me Fatmira Rackën, Samir Avdiun, Hekuran Isain Agim Hoxhën edhe shumë të tjerë”,- ka thënë për FaxNews bashkëshortja e Havzi Nelës.
