Presidenti Ilir Meta i cilësoi zgjedhjet e 30 qershorit si partiake, duke shtuar se nuk ka ndërmend të ndërhyjë në një palë zgjedhje partiake.
Presidenti tha se Shqipëria i përket të gjithë shqiptarëve dhe nuk do të kthehet në një koloni të ndonjë fondacioni.
Meta apeloi për reflektim, duke paralajmëruar se kush do të vijojë në rrugën e paligjshmërisë do të mbajë të gjitha përgjegjësitë.
“Shumë të trembur dukeshin nga fotot që janë botuar anëtarët e Kolegjit”, tha Meta, duke iu përgjigjur pyetjes lidhur me shantazhet dhe presionet ndaj tyre për dhënien e vendimit.
Meta tha se në Republikës e Shqipërisë i vetmi institucion që cakton datën e zgjedhjeve është Presidenti.
“Zgjedhjet i anullova për shkak të një situate shumë të rëndë politike. Mos prisni nga asnjë ambassador që t’ju thotë këto që po ju them unë.
Unë nuk flas në emër të Ambasadave dhe as nuk fshihen pas tyre.
Shqipëria do të dënohej nga Gjykata Europiane e të Drejtave të Njeriut nëse do të bëheshin zgjedhje një partiake. Nuk kam anulluar zgjedhje në asnjë vend tjetër, në asnjë fondacion apo Ambasadë, por zgjedhjet në Shqipëri. Me këto zgjedhje, e ardhmja europiane e Shqipërisë largohet edhe më shumë.
Ligjërisht në Shqipëri nuk do të ketë zgjedhje më 30 qershor”, tha Meta.
