Pasi u mor në pyetje nga policia për deklaratat e tij për vëllavrasje, kryetari i PD-së, në Elbasan Aurel Bylykbashi, ka shkuar në emisionin Dritare me Rudinën. Bylykbashi ka thënë se nuk tërhiqet nga deklaratat e tij. Ai tha më tej se, më 30 qershor do të bëhet hataja.
“Do të bëhet hataja”,- tha Bylykbashi.
Ai më tej ka sqaruar deklaratën e bërë një ditë më parë për vëllavrasjen.
“Në prirjen time, është paqja jo dhuna. Ajo që thashë është marrë nga nëntekst dhe konteksti që e kam thënë. Ky vend ka nevojë për njerëz që flasin hapur. Unë kam folur hapur aty. Ai që po e detyron qytetarët shqiptare, në përçarje, konflikt civil dhe vëllavrasje është kryeministri”, tha Bylykbashi.
