Një çmenduri e vërtetë ka ndodhur në Kupën e Amerikës, Paraguai është kualifikuar për në fazën tjetër edhe pse ka arritur që të marrë vetëm 2 pikë nga tri ndeshje të luajtura.
Paraguai ishte në grup me Argjentinën, Katarin dhe Kolumbinë dhe nga tre takimet e luajtura arriti që të sigurojë vetëm dy pikë duke barazuar me Argjentinën dhe Katarin dhe u mposht nga Kolumbia.
Teksa kishin siguruar vendin e tretë në grupin B, ata ishin me sy e veshë tek ndeshja e Japonisë dhe Ekuadorin, ku një barazim në këtë sfidë do ti kualifikonte ata për më tej si një nga skuadrat e e treta më të mira, dhe në takimin që u luajt mbrëmë midis Japonisë dhe Ekuadorit ndodhi pikërisht ajo që u duhej, u ndalën në barazim 1-1.
Fitorja e cilit do ekipi do të kualifikonte ekipin që fitonte.
Në Kupën e Amerikës marrin pjesë gjithsej 12 skuadra ku 8 kalojnë për më tej teksa eliminohen vetëm katër.
Ekipet që kualifikohen janë 2 vendet e para të çdo grupi dhe nga tre grupe kalojnë dy vendet e treta më të mira.
Paraguai e mbylli me pikë të barabarta me Japoninë e cila ka golavarazh më të keq me 3 gola të shënuar dhe 7 të pësuar, teksa ekipi amerikano-latin, ka shënuar 3 dhe ka pësuar katër gola.
Gjithsesi ata tashmë i pret një sfidë tepër e vështirë kundër Brazilit organizator që është edhe ekipi favorit për të fituar trofeun.
Këto janë çiftet e klubeve të kualifikuara.
Fituesi i çiftit Brazil-Paraguai do të luajë me fituesin e çiftit Venezuela-Argjentina.
Ndërsa fituesi i çiftit Kolumbi-Kili do të luajë me fituesin e Uruguai-Peru.
Ju kujtojmë që në vitin 2011, Paraguai arriti deri në finale të turnamentit me të gjitha ndeshjet barazim dhe u mposht nga Uruguai me rezultatin 3-0.
Në eliminim direkt ata fituan me penallti kundër Brazilit dhe po me penallti kundër Venezuelës në gjysmë finale, por nuk ja dolën dot për në finale.
/Ariglon Pali/Boldnews.al/
