Në vitin 1980 gazeta “Zëri i Popullit”, organi zyrtar i PPSH-së, sot Partisë Socialiste, shkruante në kryeartikullin e saj “votojmë për të sotmen dhe të ardhmen e ndritur”.
Në atë kohë zgjedhjet bëheshin pa kandidatë, thjesht votohej subjekti.
Kandidatët ishin të Frontit Demokratik, në një fletë votimi të ngjashme me atë të sotmen, ku thjesht ka ndryshuar vetëm emërtimi, ato të Frontit janë zëvendësuar nga Partia Socialiste, por numri nuk ka ndryshuar.
E ndërsa në 20 prill të 1980 votohej për 1 kandidat, situata përsëritet në 30 qershor 2019, ku sërisht votohet për të vetmin kandidat, nga rradhët e Rilindjes.
Por jo vetëm kaq, nëse Zëri i Popullit i para 39 viteve fliste për të ardhmen e ndritur, sot nga Rilindasit flitet për të ardhmen e ndritur të fëmijëve.
Kaq mjafton për të kuptuar se 30 qershori i 2019 është i ngjashëm me 20 prillin e 1980.
Kanë kaluar 39 vite, por duket se mentaliteti i pasardhësve të PPSH nuk ka ndryshuar, në formë dhe në përmbajtje.
