Tërmet Peçi, kryebashkiaku i Tepelenës, ka shkuar në Përmet për të marrë pjesë në takimin e kryeministrit Edi Rama, që po prezanton kandidaten për kryebashkiake.
Nuk dihet sepse Tërmeti ka preferuar të shkojë në Përmet, bashkë me mbështetës të tij, por ajo që ka rënë në sy ishte fakti se kryebashkiaku i Rilindjes ka zgjedhur të provokojë një grup qytetarësh që po protestonin kundër kryeministrit.
Ndërhyrja e një civili dhe një punonjësi policie, ndoshta ka shmangur një përplasje, ndërsa Tërmeti dhe mbështetësit e tij nga Tepelena kanë dalë në urën e Leklit për t’i uruar mirëseardhjen Ramës.
“Zoti Tritan, respekte, respekte, ej do e pimë kafen pastaj?”, iu drejtua Tërmeti, grupit të protestuesve që vijonin thirrjet ‘Rama ik’.
