Argjentina ka mposhtur me rezultatin 2-0 Katarin dhe është ngjitur në vendin e dytë në grup, falë edhe fitores së Kolumbisë kundër Paraguait me rezultatin 1-0.
Me këtë fitore ekipi i Messit ka siguruar kalimin për në fazën tjetër, pasi dy ekipet e para të çdo grupi kalojnë direkt.
Golat për Argjentinën u shënuan nga Lautaro Martinez në minutën e katërt të takimit, teksa vulosi ndeshjen Sergio Aguerro me një super gol në minutën e 82.
Në Kupën e Amerikës janë gjithsej tre grupe me nga 4 skuadra, në total 12 skuadra.
Në turin tjetër kalojnë 8 skuadra, pra dy të parat e çdo grupi dhe dy vendet e treta më të mira të grupeve.
Deri më tani janë kualifikuar në Grupi A, Brazili, Venezuela dhe Peru e cila kalon si një nga vendet e treta më të mira.
Në grupin B Kolumbia dhe Argjentina, teksa Paraguai pret rezultatin e takimit Japoni-Ekuador.
Në Grupin C janë kualifikuar Uruguai dhe Kili.
Në rast se Japonia dhe Ekuadori dalin barazim skuadra e fundit që do kualifikohet është Paraguai për shkak të golavarazhit pasi do ishte me pikë të barabarta.
Si Ekuadori, si Japonia kërkojnë fitore në këtë takim për të kaluar më tej.
/Ariglon Pali/Boldnews.al/
https://www.youtube.com/watch?v=xOX6_QUCuKE