Nga Erges Eskiu
Midis shumë gjërave të ndyra, më e ndyra është shfrytëzimi i fëmijëve për të përmirësuar imazhin personal dhe në këtë dramë aktoret janë pushtetarët dhe prindërit bashkë me ta!
Pushtetarët, që përdorin pozitën e tyre dhe prindërit e paaftë për të fituar vëmendjen apo besimin e pushtetarit.
Të dy këta aktor në mënyrë të heshtur dhe djallëzore komplotojnë kundër fëmijës së pafajshëm i cili nuk e njeh personin, që ka përball, nuk e di në është i mire apo jo, i dashur apo jo, i sinqert apo i djallëzuar.
Pushtetarët do duhej, që për shkak të pozitës (gjoja më lartë) karshi prindërve, të ishin më të kujdesshëm dhe të shmangnin përdorimin e fëmijës. Pushtetarët duhet të jenë model për shoqerinë dhe ndaj ata do duhej të merrnin informacionin e nevojshëm për të bërë një veprim të tillë a jo?!
Politikanët kanë për detyrë të ndërtojnë politika të cilat do të edukonin shoqerinë dhe te shmangnin abuzimet me fëmijët edhe nëse kjo nxitet nga vet pridnërit.
Prindërit nga ana tyre (jo të gjithë), kur gjenden para një njeriu me pushtet dhe nën siglën e partisë, që simpatizojnë ndihen të pavlerë dhe të paaftë për të marrë vëmendjen e tij. Ndihen të paaftë për të thënë gjëra me vlerë, të cilat do tërhiqnin vëmendjen e pushtetarit. Ndihen pa fjalë dhe në çast perversitetini tyre i çon në mendimin se fëmija i tyre i vogël do i tërheq mendjen pushtetarit (pervers) për t’u afruar te fëmija e për rrjedhojë do shikojë edhe fytyrën e prindërit të fëmijës. Pra, mendja e tij e voëll mendon se duke e parë pushtetari për qoftë edhe 30 sekonda në jetën e vetë, mendon se do gjej mundësinë të kap një vend pune, një shanc në jetë, një mundësi sepse në gjithë ate turmë ai ose ajo ia doli të bjerë në sy të pushtetarit duke prostituuar fëmijën e vet.
Në këtë dramë të luajtur nga 2 injorantët e siperpërmendur, të treja palët janë të humbura, por kupton fëmija është i pafajshëm!
Pushtetari merr mllefin e shoqerisë duke shfaqur një imazh të neveritshëm në subkoshiencën e qytetarëve!
Prindi merr përbuzjen e shoqerisë!
Fëmija merr keqardhjen e shoqerisë dhe të jesh një person për të cilin të tjerëve u vjen keq nuk është gjë e shendetshme!
-Mjaft luajtët me pafajsinë e fëmijës! Mjaft e prostituuat fëmijën në këtë vend si të jetë një mall konsumi vetëm e vetëm të fshihni dështimin tuaj!
Fëmija është qenie e gjallë me mish, me gjak e me shpirt.
Mos e bëni fëmijën të ndihet i përdorur sepse nëse i ndodhë kjo sot fëmijë, kështu ka për të ndodhur edhe në adult dhe do të përdoret e keqpërdoret nga të tjeret sepse do të mendojë se është i paaftë të jetë i zoti vetes.
Ai do të ketë të ngulitur në mendje se ai është lehteëisht i manipulueshëm i pa vlerë me të cilin të gjithë mund të luajnë sepse kështu kanë bërë me të qysh kur ishte i vogël.
-Prostitucioni me fëmijët e vegjël për të përmirësuar imazhin e vetë është gjëja më e ndyrë dhe duhet të marrë fund njeherë e përgjithmonë!
Ndal abuzimit me fëmijët!
