Publikimi i përgjimeve nga gazeta gjermane “Bild” që hedhin dritë mbi manipulimin e zgjedhjeve në Durrës dhe Dibër, duket se ka vënë në lëvizje prokurorët për të marrë në pyetje personat që përmenden në këto përgjime.
Kështu pas marrjes në pyetje të Vangjush Dakos, kryebashkiakut të Durrësit, dhe Ilir Ndrazhit, një tjetër zyrtar i Rilindjes mësohet se ëhstë marrë në pyetje nga prokurorët për të ashtëquajturën “dosja 339”.
Ani Dyrmishi, drejtori i Përgjithshëm i Hekurudhave, i cili është kapur në përgjimet e prokurorisë, është marrë në pyetje në cilësinë e personit që ka dijeni për çështjen që është nën hetim.
Burime nga prokuroria bëjnë të ditur se Dyrmishi ka pohuar para prokurorëve se ka njohje me personat që ka komunikuar, por nuk ka pranuar që të ketë shkelur ligjin apo të ketë shpërdoruar detyrën.
Në kohën kur janë realizuar përgjimet, Dyrmishi ka mbajtur postin e kreut të Hipotekës në qytetin bregdetar.
Përgjimet
Astrit Avdylaj: A të ka zënë gjumi mbrëmë vëlla, se ke takuar Ramën dje, keni ndjeur, jeni kënaqur?
Vangjush Dako: Hehehehe
Astrit Avdylaj: Ça bohet?
Vangjush Dako: Ça bohet?
Vangjush Dako: Mirë, mirë…
Astrit Avdylaj: Nga je vëlla?
Vangjush Dako: Dëgjo
Astrit Avdylaj: Hë vëlla…
Vangjush Dako: Thuaj byrazerit unë po iki në Ishëm te ata çunat
Astrit Avdylaj: Jo pra tashi, se do ta lëmë më vonë, se jam tani me çunat (Vath Alla)
Vangjush Dako: Ku je ti?
Astrit Avdylaj: Këtej nga Hipoteka duke pritur Anin (Ani Dyrmishi asokohe drejtor i Hipotekës në Durrës, tani drejtor i Hekurudhave). Ani do të vijë të takojë ty, drejtori apo jo?
Vangjush Dako: Janë aty ata apo?
Astrit Avdylaj: Po, Vath Alla është këtu me mua direkt, drejtpërdrejt, live përballë në tavolinë po na dëgjon
Vangjush Dako: E mirë takohemi në Durrës atëherë…
Astrit Avdylaj: Jo, takohemi atje, e kemi lënë orarin atje vëllai, mbaroi, do takojm atje, nga dreka se s’bën, të mbarojmë pak punë me Anin këtu se tha do shkoj te bashkia tha ai, po e pres te hipoteka vëllai
Vangjush Dako: Mirë, mirë
Astrit Avdylaj: Hajt, të du fort vëllai jot