Policia vijon arrestimet lidhur me përplasjet në KZAZ.
Burime zyrtare nga policia e Tropojës njoftuan këtë të shtunë se janë ndaluar dy persona: G.B., 38 vjeç, banues në Dojan, Tropojë dhe L.Sh., 37 vjeç, banues në fshatin Shtiqen.
“Ndalohen 2 persona të shpallur në kërkim në lidhje me ngjarjet e ndodhura në KZAZ Nr. 09, Tropojë dhe KZAZ nr.11, Kukës, datë 19 dhe 20.06.2019. Specialistët për Hetimin e Krimit në Komisariatin e Policisë Tropojë, bënë ndalimin e shtetasit të shpallur në kërkim;
-G.B., 38 vjeç, banues në Dojan, Tropojë.
Ndalimi i tij u bë si i dyshuar për veprat penale ‘Shkatërrimi i pronës’, ‘Kundërshtimi i punonjësit të policisë së rendit publik’ dhe ‘Dëmtimi me dashje i materialit zgjedhor’.
Gjithashtu, specialistët për Hetimin e Krimit në Komisariatin e Policisë Kukës, bënë ndalimin e shtetasit të shpallur në kërkim;
-L.Sh., 37 vjeç, banues në fshatin Shtiqen.
Ndalimi i tij u bë si i dyshuar për veprat penale ‘Kundërshtim i punonjësit të policisë së rendit publik’, ‘Mosbindja ndaj urdhërit të punonjësit të policisë së rendit publik’, ‘Shkatërrimi i pronës’, ‘Dëmtim me dashje i materialeve zgjedhore, e mbetur në tentative”’, ‘Organizim i paligjshëm i tubimeve’, dhe ‘Prishje e qetësisë publike’.
Materialet për veprime të metejshme i kaluan Prokurorisë Pranë Gjykatës së Rrethit Gjyqësor Tropojë dhe Prokurorisë Pranë Gjykatës së Rrethit Gjyqësor Kukës”, thuhet në njoftimin e policisë.
