Presidenti Ilir Meta i ka kthyer përgjigje shkresës së kryetarit të Komisionit Ulsi Manja lidhur me dekretin për shfuqizimin e datës së zgjedhjeve.
Manja e ka vënë në dijeni presidentin për nisjen e hetimit parlamentar për dekretin dhe Meta pikërisht pasi mori dijeni i është drejtuar me një kthim përgjigje kreut të komisionit të Ligjeve duke i shpjeguar se pse se është marre vendimi dhe duke i thëne se komisioni parlamentar nuk është njohur me arsyet e dekretit.
Në letrën që mban firmën e Sekretarit të Përgjithshëm të Presidencës thuhet se dekreti për shfuqizimin e 30 qershorit është në fuqi dhe është botuar në Fletoren Zyrtare. Për pasojë është i detyrueshëm për zbatim për të gjithë, përfshirë dhe Kuvendin. Më tej në sqarim thuhet se ky akt i Kreut të Shtetit ndërpreu një proces zgjedhor fiktiv.
“Presidenti i Republikës vlerëson se e gjithë veprimtaria aktuale parlamentare që përpiqet të godasë veprimtarinë e Presidentit të Republikës, por pa mundur ta rrëzojë përmbajtjen e dekretit të Tij, është një proces i rremë, i pambështetur në argumente kushtetues, por vetëm i orientuar verbërisht politikisht. Ky proces i rremë dhe verbërisht politik nuk i shërben aspak zgjedhjes së krizës të thellë në të cilën ndodhet vendi, por përkundrazi e rëndon më tepër atë, si një përpjekje e shfrenuar për të thelluar ndasitë midis palëve dhe për të asgjësuar çdo mundësi për krijimin e klimës së dialogut e bashkëpunimit që Presidenti i Republikës, prej kohësh po i kërkon palëve”, thuhet në letrën që Presidenca i dërgon Manjës. /BN/
