Kryetari i Partisë Demokratike, Lulzim Basha ka hedhur poshtë zërat se protesta e pasdites së kësaj të premteje do të jetë e dhunshme. Basha deklaroi mbrëmjen e djeshme në emisionin “Opinion” se protesta do jetë qytetare dhe paqësore.
“Unë do të dal në protestë me familjen time, me dy vajzat e mia. Dhe i bëj thirrje të gjithë shqiptarëve të vijnë me fëmijët e tyre, bashkëshortet e tyre, sepse do të jetë protesta më e madhe dhe më qytetare që ka njohur ndonjëherë Shqipëria”, tha Basha.
Fevziu: Pra s’do kete probleme, e kuptuam…
“Përpjekjet për administruar krimet në të cilat është kapur në flagrancë qeveria Edi Rama duke inkriminuar opozitën kanë dështuar tashmë. Shqiptarëve dua t’iu them unë do dal me vajzat e mia, me gruan time do të jemi në protestë dhe iu bëj thirrje merrni miq me vete, nuk do ketë asgjë, nuk do ketë absolutisht asgjë që të kërcënojë një fije floku të një qytetari apo një punonjësi të ndershëm të rendit. Ne kemi marrë të gjitha masat për të neutralizuar çdo provokator të qeverisë në bashkëpunim me shërbimet inteligjente të vendeve partnere në Tiranë. Me të cilët kam qenë në komunikim sot dhe dje. Edi Rama është zbuluar me planin e tij. Edi Rama është në grahmat e tij të fundit politike. Nuk ka shërbëtor nga Beogradi apo ngado që ti vijë që ta mbrojë më . Ka marrë fund. Dhe fundi i tij është do të vuloset nesërme një protestë madhështore qytetare ku kontrasti do të jetë shumë i qartë, i një bande hajdutësh dhe shqiptarëve që do të protestojnë paqësisht”, tha Basha.
Opozita do të zhvillojë sot protestën e 9 kombëtare, prej 16 shkurtit, me thirrjen “Rama ik”.
https://www.facebook.com/lulzimbasha.al/videos/360583814599317/
