Rikthehen tensionet në KZAZ nr3 në qytetin e Shkodrës.
Kryebashkiakja Voltana Ademi ka debatuar me policinë, duke kërkuar që të bëhet lirimi i ambienteve të shkollës ku është vendosur KZAZ-ja me argumentin se nuk do të lejohet zhvillimi i zgjedhjeve pasi presidenti Meta rrëzoi 30 qershorin si datë për zhvillimin e zgjedhjeve lokale. Mbështetës së opozitës dhe punonjës së bashkisë janë vendosur gjithashtu para shkollës “Shejzane Juka”, ku ndodhet edhe KZAZ nr 3.
Në një deklaratë për mediat, Ademi tha se shkolla “Shejnaze Juka” nuk është miratuar për të funksionuar si KZAZ. “Në informacionin që ne morën në shkollën “Shejnaze Juka” janë depozituar materiale zgjedhore. Por kjo shkollë nuk është miratuar për të funksionuar si KZAZ,”-tha Ademi.
Ditët e fundit, në Shkodër ka pasur përplasje mes policisë nga njëra anë dhe mbështetësve të opozitës e punonjësve të bashkisë nga ana tjetër. Me këta të fundit që kërkojnë zbatimin e dekretit të Presidentit Meta dhe lirimin e institucioneve publike që përdoren si KZAZ. Ndërkohë, policia, në mbështetje të KQZ-së që e cilëson të pavlefshëm dekretin e Metës, nuk i lejon. Dje u zhvillua një protestë-marshim nga PD në Shkodër, por për përfundoi sërish me përplasje, me policinë që përdori gaz helmues për të shpërndarë protestuesit. /BN/
