Nuk i kam parë autorët që qëlluan në drejtimin e makinës. Kështu mësohet të jetë shprehur Plarent Dervishaj, kunati i Lulzim Berishës, përpara oficerëve të policisë, në dëshminë e dhënë lidhur me atentatin që iu bë një ditë më parë në zonën e Kënetës në Durrës.
Nga atentati mbeti i plagosur Dervishaj dhe Julian Meçe, ndërsa policia ka gjetur një automjet duke u djegur në autostradën Tiranë-Durrës, pak orë pas ngjarjes.
Sikundër raportohet, Dervishaj është marrë në pyetje lidhur me atentatin, ndërsa me dëshminë e tij nuk ka dhënë shumë detaje, duke u shporehur se nuk i ka parë autorët.
I plagosuri tjetër, për shkak të gjendjes shëndetësore nuk ka dhënë dëshmi për oficerët e policisë.
Ndaj automjetit ku ndodhej Meçe dhe Dervishaj u qëlluan 45 plumba, ndërsa dyshimet janë se në atentat kanë marrë pjesë dy persona.
Policia po heton në disa pista për të zbardhur ngjarjen.
