Kryeministri Edi Rama, njëherazi kryetar i PS-së, pasditen e djeshme zhvilloi një takim në Shkodër.
Siguria e kryeministrit nga qytetarët që e pritën me protesta u garantua nga mbi 800 policë dhe efektivë të gardës, ndërsa FNSH nuk kurseu sprajtin neuro-paralizues dhe gazin helmues për të shpërndarë qytetarët.
Numri i polëve dhe gardistëve ia kalonte madje edhe numrit të pjesëmarrësve, ndonëse të detyruar dhe importuar, që ishin ulur në karriget e vendosura përballë Ramës.
Madje, numri i lartë i punonjësve të gardës dhe policisë, është shoqëruar me komente të shumta, duke bërë paralelizma nëse është situatë paqejeje apo lufte.
Në rrjet janë shpërndarë foto dhe meme të ndryshme, një prej të cilave ishte edhe ajo sikur kryeministri i Kosovës Ramush Haradinaj deklaronte “me aq policë sa Rama ka marrë me vete në Shkodër, unë bëja miting në Beograd”.
