Sekretari i Përgjithshëm, Gazment Bardhi i është përgjigjur deklaratës së bërë nga Taulant Balla, ku në fokus janë përgjimet e publikuara nga “Bild”. Ai akuzon kreun e grupit parlamentar të PS-së së bashku me kryeministrin Edi Rama se janë të lidhur me krimin, teksa sipas tij po përpiqen në të kthejnë pas Shqipërinë, në kohën kur qytetarët votonin, por nuk i ofrohej mundësi zgjedhjeje.
“Taulant, zgjohu nga gjumi! Mjaft ëndërrove për një Shqipëri si te Enverit. Ti mund të emërosh shefa policie të lidhur me krimin, shefa të korruptuar tatimesh e doganash që vjedhin shqiptarët për xhepin e rilindjes, por nuk ke për të emëruar dot opozitën! Ndërkohë, ka ardhur dita që Edi yt dhe gjithë banda e tij, do të dalë para drejtësisë për krimet ndaj shqiptarëve. Jeta e tij e tretë është afër! Në rastin më të mirë, do të bëhet rrobaqepës tek 313”, shkruan Bardhi.
