Ambasada e SHBA nuk duhet të na orientojë nga Elbasani, por nga Washingtoni

Nga Hekuran Vladi

Ka shume kohe, qe perdoret shpesh zhargoni “Rruga e Elbasanit” per te treguar Zyren e Ambasades se USA ne Tirane, ose “ata te rruges se Elbasanit” ne vend te “zyrtaret e Ambasades se USA”.

Kjo, per nje arsye krejt praktike, pasi Ambasada gjendet ne ane te rruges kur shkohet per Elbasan.

Per te gjithe ju, qe po merreni me gjeopolitike, duke “analizuar” se ke do me shume, a ke do me pak Amerika, kam nje sqarim te shkurter, ndersa per “ata te rruges se Elbasanit”, nje mesazh akoma me te shkurter.

Lexoni cfare shkruajne ne Washington dhe cfare shkruajne ne Tirane…amerikanet… ne te njejten kohe…
……………………………………………………………….
1. Raporti vjetor i DASH

Raporti i DASH per trafikimin e qenieve njerezore e klasifikon Shqiperine, si nje vend me risk te larte ne fushen e trafikimit te femrave dhe femijeve per qellime te prostitucionit, punes se detyruar, etj.

Ne raport theksohet se ne vitin 2018 te gjithe treguesit jane perkeqesuar, krahasimisht me vitet e meparshme dhe e vetmja arritje eshte hartimi dhe firmosja e nje strategjie te qeverise per periudhen 2018-2020.

Eshte e qarte si drita e diellit qe DASH, duke raportuar ngjarje te verteta ne Kongres, ngarkon me pergjegjesi qeverine shqiptare per kete gjendje skandaloze te te drejtave te njeriut ne vend.
……………………………………………………………………..
2. Letra e ambasades se USA per situaten politike para zgjedhore ne Shqiperi.

Ne kete leter, pervec fjalive diplomatike (sa per te mbushur rrjeshtat) jepet nje sugjerim-mesazh i forte ne forme urdhri per shqiptaret, qe mund te perifrazohet pak a shume keshtu: “…ju qe protestoni duhet ta beni paqesisht, ne menyre qe ata qe votojne ta bejne kete paqesisht, gjithashtu…”

Eshte shume i qarte konteksti i kesaj letre.

Duke vene formalisht ne plan te pare dhunen e opozites, e cila ne fakt nuk eshte dhune, por “nje film me dhune”, per arsye qe nuk dihen, “rruga e Elbasanit” shpreh qendrimin e vet pro zhvillimit te votimeve me 30 Qershor.

Pra, teknikisht mban anen e qeverise ne konfliktin institucional mes Presidentit dhe Qeverise dhe anen e mazhorances socialiste ne konfliktin politik mes Rames dhe opozites.

Ne situaten aktuale, ajo qe dallohet qartesisht ne Shqiperi eshte shkelja e te drejtes per te votuar i lire, nje nga te drejtat themelore te njeriut.

LEXO EDHE  Ambasada Amerikane ‘po ju vëzhgon’/ Si duket Reforma në Drejtësi në sytë e ndërkombëtarëve (VIDEO)

Eshte e konstatuar dhe e vertetuar qartesisht dhe “ata te rruges se Elbasanit” e dine gjithashtu, qe 2 pale zgjedhjet e zhvilluara nga kjo qeveri (2015 dhe 2017) kane qene me probleme te pakaperdijshme sa i perket te qenit te lira dhe te drejta.

Keto zgjedhje nuk kane qene te lira as per votuesit opozitare, as per mbeshtetesit e vete mazhorances qeveritare.

Presioni i dyfishte nga qeveria dhe krimi i organizuar, blerja e votave dhe e atyre qe numeronin votat kane qene shfaqje te zakonshme dhe te shtrira ne masen derrmuese ne qendrat ku eshte votuar.

Kjo te jep dyshimin e arsyeshem, qe kjo qeveri eshte ne tejkalimin e te drejtes se saj per te zhvilluar nje proces tjeter zgjedhor e kesisoj kjo e drejte i duhet kufizuar e reduktuar, gjithmone ne funksion te demokracise dhe standarteve te Helsinkit mbi te drejtat e njeriut.

Mendoj qe “rruga e Elbasanit” po nevrikoset ne menyre te skajshme me filmat “me dhune” te opozites dhe po shfaq mirekuptim e solidaritet me dhunen e vertete te qeverise mbi demokracine ne vendin tone.
…………………………………………………………………..

Perfundime:

– Te gjithe ju eksperte e te servilizmit komunist, qe ne zemer keni Kremlinin e ne goje Washingtonin, ju them qe Amerika do veten. E duke dashur veten, Amerika do nje partner te besueshem ne nje nga rajonet me vulnerabel ndaj ndikimit Rus. Ndaj flijeni mendjen se Amerika do ta riktheje komunizmin ne Shqiperi. Ne fund te dites, te gjithe ata qe goditen demokracine ne kete vend, do te goditen me se pari nga Amerika.

– Ndersa per ju “zoterinjte e rruges se Elbasanit” kam kete mesazh:

Cfaredo qofte arsyeja pse ju po mbani anen e qeverise;

sado e cuditshme te jete sjellja karnavaleske e opozites;

dhe kushdo qofte pas ketyre apo pas jush si eminence gri,

nese ne Shqiperi behen votime alla komuniste me 30 Qershor, Amerika do t’ju pushoje nga puna.

Ju jeni aty per te na treguar drejtimin e Washingtonit te demokracise se madhe, jo drejtimin e “pit-stopit” te trafikut nderkombetar te heroines e opiumit, Elbasanin.

God bless Albania & USA!