Të shtëna me armë zjarri janë shënuar në zonën e ish-kënetës në Durrës. Raportohet se Julian Mecaj dhe Plarent Dervishi kanë mbetur të plagosur. Ato nodhet ne spitalin Rajonal, jashtë rrezikut për jetën.
Sipas një rindërtimi paraprak të ngjarjes, Julian Meçaj e Plarent Dervishi kanë qenë nduke lëvizur me makinën tip ‘Range Rover’ në rrugën dytësore ne Maminas kur ndaj tyre është qëlluar me armë zjarri. Të shtënat dyshohet se kanë ardhur nga një makinë tjetër dhe nga automjeti ku ndodhej shënjestra është reaguar po me zjarr. Ngjarja ka krijuar panik tek shoferët e tjerë.
Juljan Meçaj është një emër i lakuar edhe më parë në raportimet e kronikës së zezë. Ai ka qenë pjesë “Bandës së Durrësit”, që drejtohej për 10 vjet nga Lulzim Berisha. Po ashtu edhe Plarent Dervishi, i cili është edhe kunati i Lulzim Berishës. Emri i tyre figuron edhe në dokumente sekrete të Ministrisë së Brendshme, nga ku citohet se Lul Berisha e drejtonte bandën e tij nga burgu dhe i delegonte urdhrat te njerëz të besuar si Julian Meçaj, Marjel Fierza, Mond Çekiçi, e Plarent Dervishi.