Kryeministri Edi Rama e konsideron në të gjitha mitingjet dhe daljet publike si fallxhore që sheh filxhan, ndaj dhe Monika Kryemadhi i dha një përgjigje në një prononcim për emisionin “Opinion”. Kryemadhi tha se një këshilltare e Ramës paguhet në Kryeministri për të parë filxhanin.
“Atë zonjën që e paguan me rrogë për t’i parë filxhanin, këshilltare të vet. Nuk po i them emrin, e gjermanishtes. Emrin ia vendos vet ai. T’ia shikojë filxhanin dhe t’ia shikojë mirë. Fati i Edi Ramës nuk është më në filxhan as në horoskop. Ka dy rrugë ose të shpëtojë paratë ose popullin e tij. Nuk ka rrugë tjetër. Nuk kanë për t’ia falur shqiptarët këtë gjë. Nuk i shpëton dot të dyja”, – theksoi ajo.
Kryemadhi kishte një mesazh edhe për Presidentin Ilir Meta.
“Boll më dashuri për Edi Ramën. Nuk e shpëton dot më. Dekreti që bëri për të shfuqizuar 30 qershorin ishte shpëtim për Edi Ramën që ai të ulej në tavolinë me Lulzim Bashën. Edhe Presidenti sado të mundohet ta shpëtojë Edi Ramën nuk ka burrë nëne ta shpëtojë, as nëna e vet, as gruaja e vet”, – u shpreh ajo.
Kryemadhi sipas së cilës Veliaj po punon kundër Ramës. Sipas saj, Veliaj kërkon të sigurojë mandatin e tij në Tiranë dhe më pas të nxjerrë Ramën si “të keqin” e kësaj situate.
