Reagimin e sotëm të ambasadës amerikane në Tiranë, lidhur me protestën e nesërme të opozitës, analisti Fatos Lubonja e quan përkrahje ndaj një regjimi kriminal.
Sipas tij, kjo ambasadë dënon protestuesit thjesht pse dalin dhe kanë pakënaqësi, ndërsa nuk përmendin dhunën shtetërore.
“Asnjë nuk e do dhunën. Por kjo ambasada çfarë mendon që nuk ka asnjë reagim, kur sheh se kryeministri, ministri, deputetë, me shefa policie organizojnë vjedhje. Problem i madh është se SHBA njihet si shtet i demokracisë. Këta të ambasadës a e mendojnë se ky trusti i drogës në Dibër, dhuna shtetërore. Pse këtë ambasadë nuk e ke me zë kur vidhen votat, kur ka dhunë shtetërore.
Këta po përkrahin instalimin e një regjimi shumë të rrezikshëm në mes të Europës. Nuk kanë faj se kanë një president që gënjen një e dy, ka më shumë se një gënjeshtër në ditë. Kur kanë president një gënjeshtër. Zanati i Ramës është që të gënjejë që të mbulojë krimin brenda vete. Ky nuk ka faj nga drejtësia i kapur me presh. Këta punonjësit e ambasadës duhet t’i thirrin mendjes”, deklaroi Fatos Lubonja.
