Avokati Ledio Braho shprehet se arrestimet që janë kryer nga policia për akuzat e veprave penale ndaj zgjedhjeve pas tensioneve në disa KZAZ, janë të paligjshme.
Pasi sqaroi se dekreti i Presidentit Ilir Meta që rrëzoi 30 qershorin si datën e zhvillimit të zgjedhjeve lokale është në fuqi, arsyetoi: “Nuk ka vepra penale sepse nuk ka zgjedhje dhe as materiale zgjedhore. Kur s’ka zgjedhje s’mund të ketë vepra penale për zgjedhje”.
I ftuar në studion e Fax Web, Braho tha se ligjërisht, efektivët e policinë kanë të drejtë për mos zbatuar urdhrat e jashtëligjshëm të eprorëve të tyre.
Nëse situata vijon e njëjtë, pra dekreti i Presidentit nuk zbatohet, atëherë përplasjet rrezikojnë të shtrihen në gjithë Shqipërinë madje do të ketë përplasej edhe në 30 qershor, parashikoi avokati.
Më shumë përgjegjës për situatën, Braho bëri anëtarët e KQZ-së (4 të zgjedhur me votat e PS) që me votën e tyre kanë injoruar dekretin e Presidentit Ilir Meta për zgjedhjet.
“Anëtarët e KQZ-së janë në kushtet e shpërdorimit të detyrës”, deklaroi.
